睇iPhone嘅天氣預告，今個行程應該得今日同埋下個星期二係好天，所以就揀今日去迪士尼！
依家迪士尼係唔可以去現場買飛，尋日朝早喺機場嘗試買飛買唔到，因為佢要登記會員，但不斷話我電話唔啱！我諗要用日本電話做登記，所以買唔到，不過佢有提供其他買飛方法，就係經 Klook 買！原本¥8400 ，依家Klook 賣$489，以現時匯率計算，都係收返正常價錢，冇收貴！
今朝九點幾先出門口，去到樂園10點幾，先去車站買車飛，今次都係揀去 Sea，雖然而家做緊樂園嗰邊40周年，但係都係比較鍾意佢Sea嗰邊！一去到樂園入口先check bag，然後掃QR code入場，樂園亦都冇再提供紙本地圖，全部要用app睇！我喺入口嘅地球影相影咗一陣，因為要試新買嗰支 Insta360 Flow stablizer😄，所以影咗成半個鐘先至入園，入到去先食啲嘢，去我最鍾意嗰間 Cafe Portofino，叫左半隻燒雞餐，叫咗杯芒果青檸特飲🍹
食飽出去，見到出面做緊海上表演，好簡單咁一場歌舞表演，趁佢差唔多做完即刻沖去排 Soaring，排左一個鐘先入到去睇佢講解果個位！排就個幾鐘，玩就十分鐘🤦🏻♀️
跟住四圍影吓相，又去買個包食吓，行過去隻船嗰邊，就點都要買條骨付雞肉腸食吓！今日竟然冇人排隊！跟住就行去排Toy Story! 都係排咗一個鐘左右，就可以玩！出返嚟，去公園坐吓，見到史高治！即刻追住佢影咗幾張相，因為好友鍾意佢，可以send佢張相俾好友🤣
跟住行吓睇吓嘢，今晚有海上匯演，係一個全新嘅節目，上次十月尾嚟嗰陣係未有，舊年11月11號先開始有呢個節目，所以今晚要睇，提前已經好多人坐晒喺地下等，我啱啱好喺可以坐嘅嗰一行後面，即係話睇表演嘅時候係要企起身嘅第一行😅因為要坐嘅位都冇晒，唯有都照坐住等！個表演7:15開始，表演長半小時多D D，個新節目加入左好多投影技術，投影在火山上，和酒店的牆上，都幾好睇！睇完就走喇！今次冇乜買野😅 返酒店前去東京站望一望手信店就走，睇定手信過幾日先買🤣
沒有留言:
發佈留言