同好友睇完展覽，出咗去尖沙咀，因為仲有另一個好友 J 未收工，要等埋佢先至一齊食晚飯，仲有幾個鐘頭，而且我哋睇展覽行行企企都有兩個幾鐘，所以有D肚餓，我地去咗 The One 果間 Habitu 食少少野，呢期佢地做玫瑰花飲品，我地一人叫咗杯玫瑰花飲品，同埋叫咗兩樣嘢食，食完嘢我地坐左一陣傾計，好快就Hea到七點，跟住我地就去商場行吓睇吓有咩食，最後決定左上去 Wooloomooloo ，好耐冇去過，所以想上去食下野，上到去都有好多位，我地今次坐得比較入，先至知原來裏面係咁大，我地睇住餐牌等好友放工，主要係想食牛扒，店員推介我地叫份 1.1Kg 大嘅 Dry aged 斧頭扒，但係我地食完野冇幾耐唔係咁肚餓，驚食唔晒，所以只係叫咗 400g 的Dry aged 西冷，再叫咗兩個side dish ，一個係蘆筍，另一個係西蘭花，同埋叫咗一個前菜係鵝肝配鵪鶉胸肉，然後一人叫咗一杯嘢飲，三個人食來講份量真係比較少咗D，不過都叫做夠食，牛扒我哋要 medium well ，不過over cook 左，都有八、九成熟，我地仲叫咗兩個甜品，一個係心太軟，另一個係crème brûlée ，甜品做得幾好，食完晒野我哋繼續喺度傾計，傾到咁上下就走，行出去露天位嗰度影吓相，然後先至走！
落到樓下我地順便去咗驚安の殿堂行一行，今日係星期五，所以好多人，我地都冇買到野，只係一齊睇吓D化妝品同埋隱形眼鏡就走，然後各自搭車回家！食完呢餐好西，跟住果兩個禮拜都要慳住使！(^_^*)
沒有留言:
發佈留言