今日去銅鑼灣開會，順道和好友 J 食午餐，在時代廣場行了一圈，沒甚麼想吃的，再走去登龍街，這邊好像多了拉麵店，我們選了這一家，因為見好幾間都冇人，這間最多人，而且有米芝連推介，店子面積不大，大約十幾個位，我們點了人氣一番的炙燒五花叉燒拉麵，加芝麻雞翼和明太子雞翼，因為我們不飲汽水，所以轉了蕨餅，拉麵的湯頭好味，叉燒因為火炙過，所以有陣燒烤味，麵條亦都唔會太淋，雞翼都唔錯，整體來講都OK，同好友傾開都覺得拉麵唔會有D乜嘢特別大嘅驚喜，即使在日本食都唔會有好驚為天人嘅拉麵店，店員話佢哋真材實料，好多都係日本來貨，見到店裏面嘅介紹，都係話呢間店在北海道旭川開店的，我諗起另一間我成日去嘅山頭火，都係來自北海道，可能北海道四面環海，所以北海道嘅海鮮同埋拉麵都係好食D！
沒有留言:
發佈留言