聖誕節將近，少不免都會去尖沙咀影下相，影完海港城就去影 Heritage 1881，因為要去呢間餐廳食午餐！
一入門口係銷售部，係賣好多梵高畫主的產品，例如朱古力、茶葉、書本等等，當然都有一些名畫仿製品，要十幾至廿幾萬，價錢一點也不便宜，經過銷售部，就係一條彎彎嘅通道，轉入去就係餐廳，今日人客唔算多，但係佢有半個場係冇開嘅，呢邊大約有廿幾個位，都差不多坐滿！因為餐廳是彎月型，坐位不太見使，坐位與鄰坐相近，聽到晒旁邊那枱客的對話，好左旁邊那枱已食完，好快走左！餐桌的擺設全部有梵高的名字，而且擺得整齊，午餐只有一個餐牌，午餐有分二至四個courses 選擇，我地揀咗四個courses ，有齊 starter、湯、主菜同甜品，先來麵包，店員很有禮貌，每道菜都講解有乜野，即使牛油都有介紹，麵包很好味，吃完了，店員問要不要加，我們各吃了兩片，沒有再加，starter 我地一人揀一款，有沙律或者慢煮雞蛋，湯就只有一款，係雜菜湯，主菜就揀咗慢煮西冷牛扒，同埋荷蘭青口配蒜蓉麵包，食物質素都唔錯，甜品就只有一款，係荷蘭薯仔及焦糖雪糕，都幾特別，食完甜品就一人一杯咖啡！
食完野行返出去銷售部，見到茶葉同朱古力都好吸引，朱古力盒都好靚，仲有一D書本同埋顏色簿，都幾啱小朋友，另外，見到D香味蠟燭，覺得香味都唔錯，我就買咗蠟燭同埋茶包！
食完飯去海運大廈行下，因為知道佢有一個巨型吹氣嘅 Map pin，點知去到冇咗！問啲職員話今日拆咗，唔知乜嘢原因，亦唔知佢會唔會再有返，總之就係冇啦！不過佢有D襟章慈善售賣，我地買咗一個，我就影吓相算喇！影完相，想去洗手間，兩層都話唔開，原來佢呢度有 event，所以封咗呢邊洗手間比人入，後來先知原來係周杰倫做演唱會宣傳！
沒有留言:
發佈留言