龍皇

相約了一衆好友在黃埔食飯，很少去黃埔這個地方，今次第一次坐港鐵去黃埔站！以前要由尖沙咀轉小巴都幾麻煩，依家方便好多！

我哋訂咗間房，原本17個人，有幾個臨時來不到，得返14個人，座位都係啱啱好，如果你齊人可能真係有D迫！我地一早已經訂咗房同埋寫咗菜單，好彩我地一早寫菜單，因為有D海鮮加左價，我地仍然可以用原本價錢食到！今晚主要係食海鮮，一共有八款菜式，先來潮連燒鵝，隻鵝燒得好靚，肉都好厚，亦唔算肥，好快俾我地食清晒！正！食完鵝，就食翅！濃湯大煲翅，份量足、湯夠濃，好味！飲完仲暖笠笠！跟住係花雕阿拉斯加蟹，隻碟好大，除咗隻蟹仲有D蒸蛋，好好味呀！跟住係老虎斑兩食，古法炆頭腩同埋西蘭花炒球，條魚應該好大條，因為D肉都幾厚而且份量都好多，食到呢度已經飽喇！要慢慢食埋跟住果D！

再黎鮑魚，每人一隻，雖然有刀叉食，不過鮑魚唔大隻，但係都好新鮮，鮑魚未食完，仲有龍蝦烏冬！好好味！今晚唯一一碟冇肉的菜，是原茄泡時蔬，蕃茄好似同薯仔一齊煮過，好有蕃茄薯仔湯的味道，好好食！雖然大家都好飽不過都食晒D菜！以為已經上晒D餸，原來仲有個泡飯！好彩份量唔多每人少少就清晒佢，當然仲有甜品啦！甜品有紅棗糕同埋桂花糕，兩款都好好味，唔會太甜，食唔晒就可以打包，我地切埋個蛋糕，跟住仲有紅豆沙！！！！真係飽到不行了！！

食飯嘅時候我地傾計，少不了想當年，笑聲不絕！突然有人提議話不如搞個旅行一齊去，估唔到大家嘅反應都好熱烈，幾乎全部都話去，而且大家都係同一個諗法，就係去日本，當然日本有咁多個地方就要再傾下去邊啦，大家亦都一樣諗諗法就係唔去東京、大阪，經過初步嘅商議，我地定左九州或者北海道，因為大家諗住去五日，所以多數會去九州，因為北海道五日真係夠，如果成事，將會有近廿人的團，希望成事！始終覺得一齊去過旅行嘅先係好朋友！