琥酌

在日本食過兩三次吉列牛，原來香港都有得食，去咗位於太子的呢間吉列牛專門店，呢度除咗吉列牛套餐之外，有一些小食，因為呢度都叫做居酒屋，既然叫得做居酒屋都有唔少酒既選擇，我地主要食牛吉列，所以冇飲酒，店內的地方唔係好大，只有兩張卡位，同埋五六張兩人枱，都仲有幾個吧枱位，牛吉列套餐有三款，主要係三款唔同嘅牛肉，價錢最平係美國安格斯牛$188、霜降和牛肩胛肉$398，同埋最貴的A5黑毛和牛肩胛芯$498，我地叫左美國安格斯牛同埋霜降和牛肩胛肉，跟餐有一個湯、一碗飯、一個溫泉蛋同埋三款醬汁，呢度兩個人share一個爐，火力好慢，牛肉擺上去冇吱吱聲，好似唔夠熱咁，但係明明過火都好大，可能傳熱比較慢！個吉列外皮略為厚左小小，牛肉好細塊，當然霜降和牛肩胛肉好食D，因為油脂比較多少少，而美國安格斯牛就冇乜脂肪，肉味都淡D！成晚只有四五枱客，兩個店員都冇嘢做，以佢個價錢我諗都幾難經營！