Flipper's

食完烤鴨冇幾耐，行咗一陣消化下，又去食甜品喇！學好友話齋，甜品是另外一個胃的！

在希慎的 i.t 內，開了一間pancake 店，叫做 Flipper’s，上次在吉祥寺食咗pancake之後，一直回味無窮，所以要試一試呢間，店子的座位都唔算少，不過亦都有D人等位，我哋等左大約20至30分鐘，就已經有位，不過佢D座位安排就唔係太好，一張好長嘅枱，兩個人係打對面咁坐，而張枱又好闊，所以同隔離果個距離好近，同對面果個距離好遠！其實大部份人都係兩位，如果安排平排坐會好D！Pancake有幾款選擇，其實係個Sauce 有幾款選擇，有季節限定的栗子，最大路的士多啤梨，還有朱古力香蕉，同埋紅豆抹茶，我地揀原味同栗子，個pancake味道略為淡左D， texture 有點濕，味道都可以，當然冇吉祥寺果間咁好食！不過都叫做可以頂下癮！