火鍋撚 ．典華

睇完戲就去打邊爐，去咗呢間位於雲咸街的火鍋店，之前去過佢旺角分店，但係因為冇位所以冇食到，見中環開咗就去試下，星期五晚的蘭桂坊好熱鬧，沿路行上去雲咸街，都係斜路同樓梯！呢間係樓上店，大廈好新淨，唔知係新起的大廈定係新裝修，地下仲鋪住紙皮，我地因為訂咗枱，所以上到去就有位，呢度都好多客，近期去食晚飯好少見到咁爆場，連吧枱都坐埋客，我哋只可以食兩個鐘就要交枱，不過兩個鐘頭都夠食！

我地叫咗手切本地牛肉、蟶子皇、鮑魚、水餃、皇帝菜同埋脆肉鯇魚片，湯底反而叫咗一個素嘅湯底，希望食得出食材嘅鮮味，牛肉切得好細塊，食起上嚟好冇口感！我哋另外再叫安格斯是牛肉片，呢個大塊好多，食起上嚟先有返D質感！食物的質素都算唔錯，呢度仍然係用Gas爐，食起上嚟比較熱，而且個鍋好大，如果兩個人食就真係太大，食飯的時候有一枱有人生日，店內即刻播上音樂，差不多全場都拍手恭賀，都幾有氣氛，幾搞笑！