一覺醒來，已經八點！經過一晚熟睡，冇咁攰！先去食早餐，去左絆魚壽司食，成間店都冇人！得我一個，坐壽司吧枱，叫左大拖羅、中拖羅、赤貝、蟹柳、魚裙邊等，最鐘意佢地既大拖羅，好食過尋日果間板前多多聲！食完趕快去坐火車去迪士尼，乘 JR 中央線（快速）去東京站轉京葉線，去到東京站，人流很多，這個大站好多人轉車，車站正在翻身，好多車站都做翻新，為左迎接2020的奧運，見到有倒數1000日的海報，時間過得好快！去年才成功申辦奧運，今年也快完結了！沒有在此逗留，直接去撘京葉線去舞濱，今日好多人，明明只有昨天是假期，我估好人攞一日放四日果種，所以咁多人，今次撞正假期，去到邊都人頭湧湧！
去到舞濱，在 商場行左一陣先入園，以前車站售票處有裝飾比人影相，依家冇左？要入左閘先有！買左張紀念車飛，入左閘就可以影下相先去坐迪士尼綫，今季架火車冇特別圖案包裝，火車經過停車場，見到勁多車，今日一定好多人了！去到迪士尼海洋入口，見到真係非常多人，在入口的地球排隊影相，影完見到旁邊是 Shellie May ！條龍好長！今日咁多人，排乜都長龍，今日預左排隊同 Duffy 或者 Shellie 影相，既然見到 Shellie 就同 Shellie 影啦！排隊時見後面的日本女生，個袋放咗好多隻 Duffy 公仔，點知佢同朋友講嘢係講國語，個樣真係睇唔出係國內人！排左成個鐘先至影到相，影完相再入去行吓已經兩點！在商店內行咗一陣，都冇乜嘢睇啱，跟住去食D野，諗住去返上次隻船上果間餐廳，點知今日要訂位，因為實在太多人喇！食唔到唯有去返我另一至愛 café Portofino ，都好多人！又排隊！今次叫左半隻烤雞、麵包同湯，雞肉冇味，有點乾，配埋薯粒就更乾！
食完野行左個圈，原來想玩新果個 Nemo seasider，但係超多人，要排120分鐘！人太多真係冇乜 mood，而且室外都頗凍，又多D入室內，去到 Duffy 專門店果邊，見有間小食店買甜品送的 souvenir 係Duffy 藤籃仔（塑膠），買返個先！今次可以話只係買呢個 Duffy產品！就冇買其他，因為真係睇唔啱！最後買左小小手信，見有迪士尼版本的東京 banana 蛋糕，就買來做手信，攞埋今日影果兩張相，八點幾就走！出到去舞濱站商場，見到樂園放緊煙花，睇左一陣就走，因為放完煙花肯定好多人湧出來！
出到新宿，去三国一食烏冬，想叫上次食過的牛肉烏冬，店員誤解了，比左個好似係牛𦟌粒辣烏冬！anyway 照食啦！好攰，想快D返去瞓！
沒有留言:
發佈留言