今朝起身眼好攰！唯有坐車時多點休息吧！
一早梗係去築地先啦！星期六的築地同平日一樣多人！仲好似越來越多人，現在的築地，比起十年前多了人來，店家也越來越懂得做生意，知道遊客喜歡”掃街”，即買即食，特別係燒烤海鮮和刺身，以前甚少即買即食，現在多到擺晒出馬路，令到周圍都水洩不通！我目標是鮨國，今日9:56am 去到，前面有約25人，預計第一 round 入唔到，10:00am 開門，前面入剩四人，我排第五，店員派餐牌和派飛，我一個人，另外排一行，因為日本店子不會搭枱，所以有位冇人坐，有人冇位坐，根據經驗，大約半小時內就會有人食完走，今次只需廿分鐘，已經有一個人走，因為得一個位，我就理所當然入坐先，因為排隊時已點餐，一坐低即刻就有野食，先來海膽飯，幾乎每枱必點的海膽飯，一直保持水準，滿滿的海膽，大滿足！牡丹蝦唔算好大隻，蝦身好厚肉，正！仲有煮大蜆，好大隻好鮮甜！每次必食！食飽飽就行一陣，冇乜特別要買，就走人！
去 Metro 的日比谷然線築地站，乘車七個站往上野，再轉 Metro 銀座線兩個站到田原町！來過田原町合羽橋道具街幾次，每次都行田窯那邊先，今次行 Niimi 大大個廚師頭的那邊先，因為有我喜歡，專賣白色家品的báisè，今次只係睇啱一個廚師帽造型的隔熱套，專係套在煲蓋上的金屬 knot，呢個產品之前在網上見過，有紅、白、灰、黃四隻色，因為呢間 shop 專賣白色產品，所以呢度得白色，咁我都買返個，屋企個煲有黑色同黃色，就買個比黑色煲！行完呢間出來眼好攰，仲有D頭暈，揾左上次去過的咖啡小店，坐一坐，讓雙眼休息一下，順便去洗手間！今日雖然係星期六，合羽橋道具街呢邊同平日一樣，唔多人行，咖啡店內亦只有一、兩個客，好喜歡呢間咖啡店，樓厎非常高，樓上是賣傢俬的，仲有家庭迷你影院，洗手間也在樓上，好乾淨！take 個 break 之後，精神返，繼續行左一陣，有一家叫做風和里的店，這店有三層，之前有來過，店內有些有趣的商品，我買了膠的酒瓶塞，是冷帽造型，還有隔熱套 for 煲兩邊耳仔用，是意大利麵造型，頗有趣，行過兩間賣食物模型的店，好多人睇，有一家更做了一個鑊同炒飯，好勁！
行完合羽橋道具街，去返田原町站，搭返 Metro 銀座線，搭一個站去淺草，轉東武線搭一個站去 Skytree 站，去到 Skytree 又係勁勁多人！呢度有個小型的聖誕市集，同上年一樣，冇乜特別，主要係賣小食和飲品，原本以為有聖誕燈光滙演，原來要12月1號先開始！冇燈光滙演睇，唯有在 Solomachi 行一陣，同埋搵野食，呢度有好幾間都食過，今次去左一間叫做 りきゆう的食店，呢度主要食燒牛舌，又係五點幾已經要等位，不過好快有位，叫左set，D set 分左3枚6切、4枚8切同5枚10切，其實係3、4、5塊的分別，全部一開二咁切啫！叫左4枚8切，之前在新宿食過覺得唔錯，所以又試下，跟餐只有一個湯，牛舌冇上次食果間咁好食，不過都ok，行到八點左右就走，今日有點攰，早D休息！
返到酒店附近，在7-11買左支 Joël Robuchon 的朱古力雪條試，上次見到冇試，今次試試，朱古力雪條帶橙味，味道都ok！
沒有留言:
發佈留言