話咁快去到行程嘅最後一日，我哋在酒店checkout ，然後將行李推去火車站，搵三個 locker ，去到見高島屋旁邊的 locker 已經full晒，再上兩層樓搵下，好在俾我地搵到幾個大 locker，咁就可以放低行李出去喇！
我哋先去食嘢，去咗一間好舊的なんぼうどん店，除左烏冬仲有そば冷麵，店內都係傳統日式拉麵店嘅格局，裝修非常殘舊，一入去，店主問我地來自那裏，我以為佢唔做中國人生意，原來佢係想講一兩句國語，主要係話佢D烏冬”好食、好食”，我哋在自動販賣機買飛，價錢好平，都係幾百円，等的時候，店主一邊煮一邊講一D自己店好出名，好多人搵，幾攪笑，佢煮烏冬時態度隨意自在，而且睇佢嘅衣着都頗新潮，與他的年紀不大相稱，烏冬唔係好大碗，食完唔飽，志在試過就算了！
食完烏冬行返去之前民宿果條街，好友想買個公仔，所以行返過去睇，最後買咗一個 Sailor moon，跟住我哋再去食野，去咗一間叫做牛かつ富田，係食吉列牛，之前在東京食過一次，覺得麻麻地，不過好友極力推薦，所以都係去試，不過呢度規定每人要叫一樣嘢食，即係唔可以兩個人share一份，所以好友話唔食，因為佢話好熱氣食完喉嚨痛，所以佢去附近買野，我就同佢男友去食，我哋叫咗兩個set，我叫左一個細的130g，佢就叫左一個大的260g，分別係多咗一份牛，每一個set 都有一份吉列牛、一碗麥飯、一碗湯同一碟山藥糊，山藥糊用來溝麥飯食，我發覺在日本好多主要食牛的店，例如之前在新宿食牛舌飯，都有呢個山藥糊，雖然佢好有益，但係佢嘅味道同個質感都麻麻地，就好似食納豆一樣，唔係個個都接受到，呢個吉列牛，表面果層吉列炸得非常薄，完全食唔出佢有份炸漿在表面，而且呢度會有一個迷你火爐，可以將好生的牛肉煎一煎先食，食起上嚟唔會太過生，好好味！而且店員都好有禮貌！
食完野同好友回合，再去行街，行咗兩三個鐘，想去尋晚果間壽司店食少少壽司，點知佢未開，我哋在門外看的時候，店主走出來跟我們打招呼，他說店子五點才開門！無緣再食佢嘅壽司，唯有下次再來，之後我地又去返旁邊的鰻魚店，店員也認得我們，仲請我哋飲橙汁，真係好開心，今日冇叫咁多嘢食，但係岩鹽白燒鰻魚片，就每人一份！真係食得好飽！食完就要準備去機場喇！
我哋搭六點幾機返香港，搭三點鐘火車去機場，先去攞返行李然後直接去搭火車，在火車上大家都瞓咗一陣，去到機場先去將行李寄倉，我地在網上登記左，行李係三個人一齊計重量，加埋可以90kg ，當然唔會超重，手提行李都有四件，我地放低行李就去行下，關西機場係幾細，都冇乜野好行，㝳冇乜野好食，好友食左碗烏冬，我就因為太鉋，冇食到野，反正飛機有晚餐，上機前，我地再買D手信，我買左薯粒三兄弟，呢度竟然平D！
上到飛機，好友瞓左，我就睇戲，睇左鄭秀文果套合約男女，好彩之前冇去戲院睇，如果唔係就嘥錢！返到香港，竟然去到行李運輸帶就見到我地其中一件行李，第一次係行李快過人，不過之後兩件就等左大約15分鐘！真係唔好開心得太早！攞完行李就搭的士返去喇！
沒有留言:
發佈留言