又約咗一班老朋友聚會，之前約咗好耐都約唔到，因為人數真係比較多，最後因為其中一個組員，因為屋企有事，突然推出左群組，激發起大家團結的心，個個都覺得年紀漸長，好多野都好難保持，好似健康同友誼，都係受到時間嘅考驗，總之約得成全部人出來食飯真係唔容易，難得今次齊人，又去我地之前去過嘅火鍋店，貪佢有間房，可以坐兩枱！雖然話約齊人，最後都有一個冇來到！
每張枱都有兩個鍋底，我哋又叫咗象拔蚌刺身，手切牛頸脊當然唔少得，仲有其他火鍋配料啦，因為間房有最低消費，我地食到尾都唔夠數，所以最後加多一條象拔蚌刺身，先至夠最低消費，食完晒野就攞蛋糕出來，雖然今個月有人生日，不過個蛋糕係父親節蛋糕，因為我地當中最大果個，大家都當佢父親一樣，所以趁父親節同佢一齊慶祝，希望大家能夠好好珍惜彼此的友誼，將來唔知幾時，當大家都老去，恐怕再無機會齊人食飯，因為我地傾開最近有個年輕的舊同事去世，因為爆血管，不到兩星期便死亡，令大家非常惋惜！
希望大家身體健康，能夠長久保持彼此間的友誼！
沒有留言:
發佈留言