胡爐

又去打邊爐！香港人總是喜歡打邊爐，就算天氣好熱都想食！今晚去咗尖沙咀，行咗去厚福街，成座大廈得一間火鍋，見佢地有麻辣火鍋，就即管去試下，上到去一枱客都無，只有一間VIP房有客，我哋坐低之後，先揀咗湯底，見佢有一個胡爐四格煱，可以係四款唔同的湯底，本身有沙嗲、芫茜皮蛋、麻辣、蕃茄四款湯底，我哋唔想要沙嗲，就改咗番茄牛腩，配料方面叫咗本地手切牛肉，有頸脊同邊抓位，另外叫咗牛骨髓，平時食火鍋好少有牛骨髓食，當然要試吓啦，仲有海蝦、韭菜餃、脆肉鯇魚片同埋菜，我地叫咗一jar酸梅柚子茶，食物質素都幾好，而且店員的服務非常好，只係個柚子茶味道怪怪地，值得再來！