去完旅行，要攞手信俾人，順便食個午餐，今日去咗中環食，隨便上網搵吓有乜嘢食，見到有一間韓燒，就即管去試吓啦！
過咗午餐時間，餐廳入面沒有客，入到去問，佢話營業中，咁就坐低食啦，餐廳唔係好大，一眼望落去，只有幾張枱，但係好似仲有一餐，不過冇入去望，我哋坐咗張四人枱，呢度每張四人枱都有一個爐，係用來烤肉的，我地睇完餐牌，叫咗個二人餐，今餐有章魚湯或者牛骨清湯，我哋揀咗牛骨清湯，仲有沙律同埋韓牛蔬菜卷，主菜有三款韓牛烤肉，三款韓牛烤肉有肉眼、後腿底板肉、腹脊兩則肉，最後有韓牛牛腩片配白飯同埋燜牛肋骨，好似好多嘢食，其實分量比較細，食物同一般韓式餐廳差唔多，不過韓牛烤肉就有D失望，牛肉冇乜味，之前食過的韓牛，肉味好濃，但係呢度就真係無味！相對價錢來講就真係貴左D！
沒有留言:
發佈留言