又打邊爐，今日去左尖沙咀呢間重慶火鍋，睇介紹係國內電視節目"舌尖上的中國"中介紹過，好快在香港已經開左三間分店，全部是樓上店，而且好新浄，上到去，見地方唔算好大，大約三十個位，唔知仲有冇房，可能我睇唔到，入口有D圍裙掛左响度，每人著一件，圖案係中式長衫同旗袍，有趣！
睇下餐牌，食物選擇都幾多，有些是他們的名物，其中孝禹十味是十款推介的食物，包括稻田毛肚、大刀鵝肝、極品鵝腸、重慶耗兒魚、重慶炸酥肉、鮮黃喉、曉宇苕粉、曉宇嫰牛肉、紅糖糍粑、現炸豆皮，我地選左六款，另外叫我左肥牛、墨魚滑、脆肉腩、雲吞、腐竹等等，湯底有幾個選擇，大紅鍋係最辣，見人地叫左，個鍋分左九格，睇落好辣，我地叫鴛鴦鍋，一個清湯加一個辣鍋，揀左普通辣，驚重慶辣會好辣，見湯底好多辣椒同花椒，不過食入口又唔覺得辣！飲品有羅漢果水、洛神花茶，汽水同酒類。
呢度D食物質素都幾好，係肥牛唔抵食，服務都唔錯，下次可以試試重慶辣！
沒有留言:
發佈留言