今星期飯局頗多，今晚去食炸雞，去到旺角好多韓式食品店，去咗呢間主打炸雞的食店，店內的裝飾都係好韓國風，門口有大大隻 bear bear 熊，餐廳有一幅鐵絲網，掛左好多鎖，營造浪漫氣氛。
餐牌主要係炸雞，仲有一D韓式小食、芝士鍋，飲品選擇比較少，不過仍然有清水提供，我地叫咗甜辣炸雞同埋飯卷，食物未到之前，店員俾咗個鎖同支筆我地，我係咁意畫左 Duffy 個樣，不過畫得好肉酸！炸雞先來，炸雞有埋大量薯條，睇見都覺得熱氣，仲有四款醬汁跟埋，但係炸雞本身有甜辣醬，都幾辣，要係咁飲水，個飯卷冇乜味，係靠D醬先有味，食到好飽！埋單時，店員用紙盒裝張單比我地，一打開，有兩小包朱古力，但係仲有幾隻好細的小強！(*´-`)
沒有留言:
發佈留言