3D 傻密歐與茱麗葉 Gnomeo and Juliet

3D動畫向來都能吸引我入場，繼美女與野獸的後現代激情版之後，就睇吓呢套羅密歐與茱麗葉的3D動畫版。 故事大綱跟羅密歐與茱麗葉相近，兩班住喺後花園，分別係紅色帽同藍色帽既精靈，多年以來都勢不兩立，佢哋趁主人外出後，就會活動 (就像 Toy story 既玩具一樣) 相方還會用剪草機來比拼，在一次夜間行動中，傻密歐與茱麗葉穿上黑色服裝來掩護身份，兩人在不知對方身份的情況下，一見鍾情，發現大家身份後，仍想走在一起，唯有偷偷地搞地下情。一天，兩班精靈因誤會，而爆發大戰，在危急關頭，傻密歐無法救走茱麗葉，而决定與她相擁面對，放棄逃生的機會......... 做得動畫，當然係合家歡大團圓結局，故事簡單明快，現場的小朋友的反應不大，大概有些關於愛情的對白和場面，他們不太明白，有一兩場對白會令他們發笑，對大人而言，劇情沒甚驚喜，都是預計得到的情節。睇睇吓先諗起睇緊3D，可能睇得3D動畫多，習慣了靚畫面是應該的，加上沒有刻意賣弄立體感的情節，要不是主角面部立體陶瓷質感，已忘記在睇3D！