Harlan's

之前去過The One 19/F 呢間Harlan's，因為比人包左場而入唔到去，之後又去左Wooloomooloo ，今次漫無目的咁過左The One，見天氣咁好，不如就試吓坐out door ！去到門口，有兩個職員企左响接待處，一個講緊電話，一個望住電腦，我地見佢哋忙緊，就等一等，其實兩個人都見到我地，不過無理到我地，再等多陣，佢先問有乜幫到我地，佢話lunch 係buffet而且就快完，唔怪得唔想招呼我地啦！不過佢好快又變得好樂意咁，建議我地在幾款set lunch 選擇，幾個set 分別在於有starter / soup / pasta / main course 要兩 / 三 / 四樣而定價。入到去見好多商務客坐室內，我地選擇室外，出面高枱有D曬，有一個人在吸煙，我地坐左個唔曬又遠離煙民既四人枱，個view 好靚，我雖然畏高，但係呢個位有d 距離，所以唔驚！ 個set lunch 我地選左四隻生蠔 starter / 龍蝦湯 / 魚柳 / 墨魚汁意大利飯，餐前麵包好普通，果兩塊薄片唔脆！味道本來唔錯， 係"淋"左 D ！starter 原本餐牌係四隻唔同品種嘅蠔，但係店員話今日得兩種，所以每種兩隻，我用K11做背景影相！老遠都望到名鑄個泳池！d 生蠔好新鮮！ 細果兩隻好 creamy ，大果兩隻蠔肉細d，但係濃濃既海水味！好清甜！兩款都好好味！龍蝦湯裏面有一隻雲吞，我無試，應該都唔錯！主菜就唔及starter 精采，魚柳我都無試，個黑麻麻既意大利飯，味精唔錯，只係果look 唔太好睇！anyway 都未食過黑色既飯！ 一路食飯都行來行去影相，天氣太好了，可以在這裏 hea 上半天都唔錯！最後來個甜品！一件cake 加 sorbet ，味道一般！吃完店員匆匆取單來，以為佢哋落場，但係又見有人入坐，原來係下午茶時間，有 high tea ! 下次可以試試！