今日相約兩個好友北上消費，我哋去咗福田區，先去食個lunch，去咗食大鴿飯，呢間我之前食過，都係唔錯嘅，仍然係好多人等位，不過好有一出關已經網上攞咗飛，所以唔使等太耐，頭盤叫咗木瓜條同埋黑木耳，乳鴿我哋叫咗兩款，另外叫咗鵝片、煲仔飯、菜，都保持到水準，好味！
食完飯飲咖啡！去咗一間叫做Peet’s ，每人叫咗杯嘢飲，坐咗一陣就走，因為好友想去華強北買喇叭，我哋行咗幾間格價，見到價錢都爭得幾遠，最後好有買咗兩個喇叭，跟住就搭車去甘坑古鎮，呢個地方我之前都去過，不過上次係早上去，今次係黃昏時間去，所以應該有啲燈飾，搭車過去都花咗啲時間，去到都有少少天黑，同上次嚟差唔多，仍然係好多人着古裝影相，我哋行咗一個圈，影咗幾張相就走，跟住call車出返去福田！
去咗一個商場，我都唔知個商場叫乜嘢，淨係知隔離有個體育館，好友話通常歌手喺嗰度開演唱會，商場都好多人，我哋考慮食鐵板燒定係火鍋，最後決定食鐵板燒，因為見佢個套餐都幾抵，餐廳喺河邊，望到體育館嘅外圍，不過今日冇演唱會所以黑麻麻，鐵板燒店入面只有我們一枱客和另外一枱客😅 我哋嘅套餐有例湯、鵝肝多士、羊T骨、菲力牛扒、虎蝦、蒜蓉生蠔、魷魚鬚、炒飯、炒芽菜、薯仔片同埋甜品煎餅，都好夠食，質素都唔錯，依價錢嚟講算係抵食！
食完嘢我哋搭返地鐵去關口過關，全日交通同飲食使費每人只係三百幾，都好抵食！
沒有留言:
發佈留言