揭密日 Disclosure Day IMAX

Daniel 的女友Jane被神秘組織挾持， Daniel為咗救女友，用背囊裝住對方要嘅物件作為交換，組織嘅話事人Noah 即時檢查背囊裏面嘅物件，發現欠缺了一件重要的東西，原來Daniel將此物件藏於身上，他悄悄戴上手套，才敢接觸此物件，當神秘組織嘅人見到呢件物件，都不敢行前半步， Daniel因此與女友能夠順利離開，與此同時電台的天氣主播Margaret，在家中與丈夫談及搬屋事宜，因為她想再搬屋，但丈夫不太想離開這裏，這時候一隻紅色雀鳥飛入他們的屋內， Margaret 凝視此鳥後，忽然覺醒了某種能力，突然說出一口流利的俄語，丈夫感到十分疑惑，由於她趕着返電視台，所以沒有再傾談便離開，在返電視台的路上，她因為超速駕駛被警察攔截，她卻突然從警員面上看到他和妻子今早在家中發生的事，並對他加以安慰，警員亦因此放行，她自己也感到很困惑。。。。！

未睇呢套戲之前，睇到啲影評，多數都係話佢外星人嘅橋段好落後，本身唔係外星人電影嘅愛好者，不過電影入面嘅外星人橋段，主要係講幾十年前嘅資料片段，當時美國總統仲係尼克遜，咁都可以解釋到點解咁落後，不過我覺得同外星人相關嘅劇情，唔係好講得通，頭半段好有神秘感，令人感覺將會有大事發生，但係實際並唔係咁大件事，所謂嘅揭密日，只係將一啲幾十年前嘅影片曝光，同近期美國公佈外星人資料差唔多，未至於令人驚嘆，加上導演係史匹堡，好多人對佢都有期望，個結局話完就完，好似仲有嘢未交代，唔知會唔會有下一集😅