泰仔美食（宋皇臺站出口）

又到六月之星生日飯，主角話想食泰國嘢，之前我哋食過呢一間舊店，最近佢搬咗去近地鐵站，因為舊店成條街都收樓重建，我哋叫咗好多嘢食，上次食過覺得最好食嘅係燒雞翼，今次食就爭啲喇！上次食完係要encore，今次就唔需要，生蝦刺身亦都唔算好新鮮，有少少腥味，咖喱就保持水準，配埋蒜蓉包就冇得頂！其他食物就一般，唔算特別出色，佢呢度座無虛席，我諗唔少人好似我哋咁，食過舊舖覺得好食，不過轉咗鋪之後好似爭咗少少，不過服務仍然好好，店員係非常友善，明顯見到對面小曼谷啲客俾佢搶走晒，因為見到小曼谷冇乜人😅