Mild (銅鑼灣世貿)

今日去銅鑼灣世貿食lunch，呢間餐廳嘅位置喺5樓，但係電梯係上唔到，我以為個位喺535 Tower嗰邊，過到去又見唔到，再走返嚟世貿上扶手電梯搵，終於搵到了， 5樓係一個戶外嘅場地，有個counter賣咖啡，餐廳要行樓梯上多一層，上到嚟佢又擺咗啲公仔，有啲似服裝店，當然會見到餐枱，就知冇錯！

我哋見到午餐嘅餐牌都幾吸引，望到其他人叫嘅幾樣嘢都好似好好味，我哋揀咗海南雞飯同埋叉燒蛋焗飯，兩款嘅味道都唔錯！不過今次就冇飲咖啡，食飯期間好友打電話俾我傾四月去立山黑部嘅行程，又要準備出發了！好友用咗Deep seek幫我哋安排行程，不過其中一個巴士券，網上已經停售， AI仲未更新🤣 不過當你問AI，巴士券係咪停售？佢又答你係，又話俾你聽解決方案😆以後去旅行，唔使再編行程了！