去左近住機場的惠庭市，道と川の駅Hana Road Eniwa，呢個地方有商店和食堂，有D手信賣，食店嘅裝修好似露營地咁，直程整咗個露營帳篷，好友喺度食嘢，我哋就喺旁邊麵包店買麵包食，我就去咗旁邊嗰間Starbucks買咖啡，食完野就去還車，我地架車行左1,220公里！全程一個司機👍🏻還車後，職員再車我哋去機場！
記憶中新千歲機場係好大，國內線嗰邊都好多嘢買，先去寄咗行李，但係櫃檯係提前兩個半鐘開，而且運作非常緩慢，所以得返唔夠兩個鐘時間，我哋行咗一陣就去搵嘢食，大部份店都要等位，去咗間叫做北堂係食soba的店，剛好有四個企位，都照食，反正一陣搭飛機都有排坐，我叫咗個迷你豚肉丼配蕎麥冷麵，味道都唔錯！食埋就要上飛機！
返到香港見到整咗個area，有間假嘅麥當勞、藥材舖同電器鋪，都係以前幾十年前嘅樣，俾人打卡影相，跟住我哋在對面的食店買咗飯盒返屋企食！
沒有留言:
發佈留言