今日早餐喺酒店食，成個行程得今日係喺酒店食早餐，早餐嘅餐廳都幾大，食物嘅選擇都算多，不過就冇刺身類別，有新鮮嘅煎蛋，西式日式都有，我哋攞埋之前買嘅果樽海膽海藻，味道就麻麻哋！食咗少少就唔要喇！
食完嘢我哋喺市中心行街，去咗大丸百貨地庫買手信，見到有一隻叫做Snow 嘅手信，好多人排隊，而且有限量銷售，就買咗兩盒試吓，佢有啲似NY cheese，脆嘅蛋捲筒有一小塊芝士，都幾好食！跟住去咗三井outlet，不過就冇嘢啱，好友就買咗少少嘢！
再揸車去札幌啤酒博物館，入去參觀咗一陣，見到好多人排隊買啤酒，主要係即場飲嘅，我哋就冇飲，只係商店嗰度買咗少少啤酒朱古力，呢個博物館範圍都幾大，仲有幾間食店，主要都係食燒肉，見佢都幾爆！可能要提早book位！
跟住返酒店放低行李，就出去食飯，今晚book咗一間食壽喜燒同Shabu Shabu ，店名叫做禪，佢係任食，我地揀左¥7,500 嘅黑毛和牛西冷套餐，我哋要壽喜燒加shabu shabu，佢如果散叫120g要¥3,200，所以叫任食扺D，供可以叫牛肉或豬肉，牛肉質素唔錯，切得好薄，第一round 比左十幾片，每次order 比八片，叫左7-8 round 仲有一round 豬肉！亦可以加蔬菜、飯/烏冬，佢每碟牛肉都保持水準，都好抵食！食完飯喺狸小路行一陣街先至返酒店！
札幌景觀飯店大通公園
上次去札幌住過呢間，見佢大堂舊左，但房間翻新左，而且酒店有個 Premium lounge Komorebi ，應該新開，因為好新淨，上次嚟係冇嘅，住客可入內坐吓，有提供小食和飲品，都幾舒服！房間一入門口嘅空間都多，我間房張床邊反而冇乜空位，要在床尾上落床！酒店提供左貼紙，比你貼在要棄掉的衣服上，方便酒店知道是你要棄掉抑或係遺留左！我正好要棄掉雪靴，個貼紙就啱晒我！
沒有留言:
發佈留言