又去好友屋企食生日飯，因為其中一個好友住得比較遠，唔係好想去呢個好友屋企食飯，本來今次去出去食，但係撞啱年尾做節，揀咗幾間食肆都夾唔到時間，所以最後都係去好友屋企食，今日就約屋主一齊去街市買餸，我就先去九龍城三和敍食晏，食咗個牛舌午餐，都dope 🤣 ，順便買生雲吞，再去Tony Wong 攞蛋糕，然後去大成街街市會合佢，一齊買D海鮮，再搭的士去佢屋企，然後開始洗洗切切！
陸續等到其他朋友到齊就開飯！今晚打邊爐！海鮮買咗扇貝、蝴蝶蚌、蝦、番薯蜆，牛肉就一早喺深水埗買咗，食材都相當之豐富！當然唔少得切蛋糕嘅環節，今次只係買半磅蛋糕，雖然我哋有七個人，但係每次去到蛋糕嘅環節，個個都話好飽，所以買半磅就啱喇！每人食少少，又唔使驚食剩！😄
沒有留言:
發佈留言