快樂小羊

今日年廿九，今年冇年三十，未來幾年都冇，同屋企人食團年飯，今年搞搞新意思，去食火鍋，唔使次次都去酒樓同人迫，因為火鍋就相對冇咁多人揀，我都係第一次幫襯呢間火鍋店，我哋訂咗間房，房入面係一人一爐，呢個安排都幾好，可以食各自喜歡嘅湯底，自己個鍋又衛生啲！佢都有好幾款湯底選擇，我就揀咗菇菌湯，通常菇菌做嘅湯會比較鮮味，其他有蕃茄湯、麻辣湯、清湯等等，個湯嚟到見到佢都好濃，試飲一下好好味😋 我哋叫咗幾款肉，呢度主要係食羊，不過牛羊豬雞都有，佢亦都有一啲熟食，另外佢哋又叫咗沙冰飲，見到都好大杯，而且佢哋話味道唔錯！各樣火鍋料都幾好，而且店員嘅服務都好好，下次有機會同其他朋友嚟試吓先得！