2025年11月日本東至西長途旅行 Day 22 - 關西空港

話咁快，三星期嘅旅程就完結了，今日就返香港，因為一點要到機場，所以check out完，攞住行李就去火車站附近食早餐，又去星乃咖啡店，食咗個多士，飲杯咖啡，就去車站買車飛，搭Rapit ，今次搭嗰架車，車身印咗Snoopy，買咗Green car 可以自己一個人坐嘅座位，好快就去到機場，先去秤吓件行李， 30 kg不多不少，我買咗32 kg，所以重量唔超標，只不過體積唔夠裝😅

喺機場check-in之後，就去搵啲嘢食，自從關西機場裝修咗之後，地方係大咗，但係感覺搵嘢食仲難咗，買手信亦都麻煩咗，情願喺閘口附近嘅手信店度買嘢，我去咗Pronto 食意粉，食完行多陣就上機了！

返到香港，見到機場都整好咗聖誕裝飾，我就去食翡翠，因為好想食小籠包，加多個嫩雞拌麵，好味！

總結三星期嘅日本旅遊，有一半時間有朋友一齊玩，另一半時間就係自己一個，我都係喜歡京都多啲，因為今次嘅行程係一路玩一路plan之後兩日嘅行程，所以有少少唔理想，其實玩咗兩個禮拜已經想返香港，但係去到最後嗰幾日又唔想走，呢個大概係每次去旅行嘅心情，總會想家，又會想玩，下次要在安排好啲先至出發🤭