店內只有圍住廚房的高櫈，像傳統的拉麵店，我哋入去嘅時候一個客都冇，後來就嚟咗四個客，食物只有沾麵，只係四款唔同嘅湯底，同兩款麵嘅選擇，沒有提供其他小食例如餃子，只有飲品，我哋叫咗海老濃湯，麵就叫晒兩款，個麵都唔錯，個湯味道都好好，只係略為鹹咗D! 所以我哋都冇飲晒啲湯😅
食完麵就過隔離飲咖啡，店內只有一個店員，可能做街坊生意，見個店主同啲客都好好傾，雖然得一兩個客，都同我哋吹水，好友叫咗一杯滴漏咖啡，我就叫咗杯 flat white，都幾好飲，咖啡味略為少少帶酸，見呢度都有咖啡豆賣，不過我哋就冇買到，坐咗一陣就走，跟住佢好友天水圍屋企探佢隻狗狗！
同好友隻狗玩咗一陣，我哋睇YouTube片，睇完一輪就出去食晚飯，出返去元朗市中心，搵咗間泰國餐廳，叫咗幾樣嘢食，食物就一般，泰國菜都係鍾意去九龍城食😅
沒有留言:
發佈留言