今朝一早約咗喺酒店大堂等，好友兩公婆遲咗成15分鐘都未見人，原來佢哋走咗去Donki shopping，買咗兩大袋嘢，所以遲咗返嚟，佢哋返房放低嘢，然後一齊出去食早餐，行過去仙台朝市，去到就見到一間食蠔嘅店，已經有啲人排緊隊，店名叫做三陸，佢有兩間店，一間只係做生蠔同蒸蠔外賣，即係你買完企喺門外食，另一間係堂食，除咗蠔仲有其他嘢食，我哋買外賣在門口食原本想食大隻嘅生蠔，但係佢賣晒，退而求其次揀中size，都要¥350一隻，唔算好大隻，不過佢都好新鮮，海水味好濃，我哋之後先發現，原來佢堂食嘅蠔係平好多，最平係¥100 一隻😨可能係會細隻D🙄但要排隊等位！
食完嘢行去三越百貨，因為好友要買蛋捲， search過淨係得三越有，買完之後又行返去酒店附近嘅商店街，因為book咗一間和牛食店，店名叫做仔虎，去到啱啱好開門，門口有幾個人等緊位，我哋本身book咗枱，坐低見到其實都係得三四枱客，早知唔使book，頭先喺門口睇咗套餐嘅相，跟住佢俾個餐牌我哋，我哋就揀咗四個套餐， 1號餐係切落部位，即係話啲廚師處理一大舊牛肉，會切咗一啲唔要嘅部位，先至可以有舊外型好靚嘅牛肉，切咗出嚟唔要嗰啲位，其實肉質都係靚嘅，只係個樣冇好睇，通常會賣平啲，我哋就揀呢個嚟食，另外叫咗特撰牛肉，呢個餐係最貴嘅，仲有一款生牛肉盒飯有三款牛肉，仲有隻雞蛋，最後係一個三款肉嘅set，除咗生牛肉盒飯，其他都可以揀飯嘅容量，有大中細，而每個餐都會跟一碗蛋花湯，同埋一份菜，我哋另外再叫咗一碟牛肉sashimi，有兩款價錢，揀咗要貴啲嘅，因為牛肉靚啲，啲套餐送到嚟嘅時候，我哋幾個好似大鄉里，見到啲牛肉好靚，係咁哇哇聲😂😂連隔籬枱啲人都笑我哋，個職員都覺得好好笑，覺得我哋好誇張，好似第一次見到和牛咁🤣🤣🤣🤣 其實因為好surprise，比預期嘅質素為之好，跟住到燒嚟食嘅時候，更加係嘩嘩聲！因為個肉質好好，好腍，好味，好正！尤其係個特撰，同埋切落，真係好好食，而且呢度嘅服務質素好好，店員一直好好笑容，所以我哋食得好開心，呢間餐廳都幾新淨，我諗開咗唔係好耐，廁所仲要提供埋漱口水，好窩心，我哋入嚟嗰陣時只需要除低件褸俾佢，佢會幫我哋掛起，走嘅時候再逐件俾返我哋，我哋出門口嘅時候佢都送到我哋走咗為止先入返去，係好傳統日本嘅服務，所以今餐我哋係非常滿意，食物質素高之餘服務態度亦都非常好，十分之值得推薦！👍🏻👍🏻👍🏻👍🏻👍🏻👍🏻
下個行程去咗仙台泉 Premium outlet，行左一陣，冇乜收穫，呢個商場都唔係特別多嘢睇，我哋去咗一間叫做喜久水庵，試咗仙台出名嘅毛豆奶昔，個人覺得麻麻哋，唔係特別好飲，亦都唔係難飲，不過既然係名物，就即管試一試！原本想試嗰間喺火車站，睇吓邊日經過再去試吓有冇分別，我哋另外再買咗啲茶葉同手信就走喇！
去返酒店附近擺低架車，再去火車站行吓，因為嗰度有兩個商場，有一個商場有高達產品，好友去睇一睇有冇模型啱，再去車站嘅商店行吓，俾我哋見到原本想試嗰間毛豆奶昔，店名叫做ずんだ茶寮 Zunda shake，呢間嘅味道係好飲啲，毛豆嘅味係出啲，而且個Texture係似返奶昔，都唔錯！我哋再喺商店街買咗啲手信，然後就去食晚飯，今晚去食串燒，搵咗一間叫做串とメシにはサケキタル，佢在一座大廈𥚃面，我哋等𨋢嘅期間，發覺好多人去另一間爐端燒，搞到我哋好有興趣去試吓，不過呢間已經訂咗枱，所以睇吓有冇機會去試，講返呢間串燒店，佢好多座位都係半開放卡位，即係有塊布簾，前後卡位中間係睇唔到對方嗰種，所以都有私隱度，佢呢度要用QR code落單，不過我哋搞咗好耐都落唔到單，嗌咗幾次店員都冇人得閒理我哋，最後原來要向店員叫咗飲品，個QR code先可以落單！🙄 我哋叫咗啲串燒，同埋餃子等，不過有部份都話冇貨，老實講呢度食物質素麻麻哋，唯一係捲着好多蔥嘅豬肉卷係最好食，其他就一般！
今晚繼續住Richmond ，所以我哋由返酒店食鴨肉そば，飲吓嘢食吓nuts 先返房瞓覺！😄
沒有留言:
發佈留言