記憶中好似18定19 年嚟過呢度食，經過疫情之後，今次嚟見佢價錢平咗，今晚滿座，不過就冇人等位，我哋四個人，佢俾咗張大枱我哋，可以坐10至12個，可能佢呢度最多坐四個人，所以先比張大枱我哋，因為其餘多數都係兩三位，呢度有好幾個套餐選擇，套餐就真係抵食啲，我哋揀咗一個套餐，海鮮有蟶子、扇貝、蝦，湯就係白肺湯，小菜就有一個小炒王、炸子雞同埋炒飯，食物嘅份量都唔細，我哋就啱啱好食得晒，海鮮都係新鮮好食！
因為好友近日父親去世，等佢搞掂晒屋企D嘢之後先約佢出嚟食飯，佢講返佢父親去世嘅事，有D遺憾唔能夠見佢最後一面，不過佢父親都算係走得舒服，雖然係急性中風，但係唔係太痛苦，因為都昏迷咗一晚，第二朝就離開咗，而佢中風之前亦都係打緊麻雀，贏咗好多，好開心，都可以話係開心咁走，算係有福氣，可惜醫院遲咗通知佢，其他家人早一步到醫院都見到佢最後一面，佢去到醫院嘅時候佢父親已經去世，不過學好友話齋，佢父親已經賺咗，因為早幾個月已經歷咗兩次大手術，差D頂唔住，難得手術後可以康復得好理想咁出院，最後一段時間都係同屋企人開心執渡過，都算係賺左！
因為好友近日父親去世，等佢搞掂晒屋企D嘢之後先約佢出嚟食飯，佢講返佢父親去世嘅事，有D遺憾唔能夠見佢最後一面，不過佢父親都算係走得舒服，雖然係急性中風，但係唔係太痛苦，因為都昏迷咗一晚，第二朝就離開咗，而佢中風之前亦都係打緊麻雀，贏咗好多，好開心，都可以話係開心咁走，算係有福氣，可惜醫院遲咗通知佢，其他家人早一步到醫院都見到佢最後一面，佢去到醫院嘅時候佢父親已經去世，不過學好友話齋，佢父親已經賺咗，因為早幾個月已經歷咗兩次大手術，差D頂唔住，難得手術後可以康復得好理想咁出院，最後一段時間都係同屋企人開心執渡過，都算係賺左！
沒有留言:
發佈留言