飯局主場 - 第廿五回

呢個group嘅朋友都有一段時間冇見，因為約咗幾次都約唔到，上次已經係12月見面到而家，今次係好友個仔生日，所以去我屋企煮飯食，今次就早好多，四點已經集合買好晒餸，開始煮飯，因為呢個好友煮飯都用比較多時間，所以要預早D時間😅，今日買咗花竹蝦🦐、東星斑🐟、雜菜花甲，同埋肉餅，雖然只有四個餸，但份量都唔少，今日煮少咗飯，佢哋唔夠食，每人得半碗多啲，不過加埋水果同蛋糕🎂，大家都好夠飽，水果今次買咗水蜜桃🍑，因為見到Muji竟然有生果賣，而且D水蜜桃都幾靚，一盒有五個賣$238 ，超級甜同埋多汁！蛋糕就買咗傳統嘅款式，本來我想去嗰間 Liftastic 度買個西瓜蛋糕🍉試吓，不過佢哋已經買咗蛋糕，所以就冇買來試，下次第二個好友生日先試吓！