Limited

上星期行過土瓜灣呢度，見到呢間新開嘅咖啡店，當其時冇人，而且我已經食飽飯，所以冇去幫襯，今日就特登過嚟食飯！

店入面嘅座位唔係好多，大概只有十幾個，店外面有少少座位，咁熱嘅天氣當然坐裏面啦！餐牌嘅選擇唔算好多，不過都係有D主餐類別嘅食物，即係意粉同飯，唔會淨係一味得多士或者蛋糕咁少選擇，我就揀咗個海膽明太子意粉同埋一杯咖啡！意粉嘅味道都OK，咖啡都係，近期都好多呢一類型嘅咖啡店，間間都盡量去試吓，暫時都未有一間會令我覺得一定會再去！呢間就有機會都會再嚟！