For Single

尋晚成晚瞓唔着，可能只係瞓咗兩個鐘左右！🤦🏻‍♀️ 今朝一早起身去複診，跟住攞嘢去比家姐，然後去佢屋企附近呢間coffee shop，店入面只有五張枱，同埋一啲吧枱！今朝店入面冇乜人，可能時間尚早，我就揀咗吧枱坐，呢度嘅咖啡應該都幾專業，因為我自己就唔識，但係見佢沖調咖啡嘅方法都有好幾種，而呢度夜晚應該係有威士忌飲🥃，我諗咖啡店淨係賣咖啡嘅話，夜晚都好難有生意做，賣威士忌應該就幫到好多！😅

睇吓個餐牌，食物主要係多士同埋沙律，我就揀咗個牛油果🥑三文魚 bagel 🥯 ，同埋叫咗一杯 Dirty ，杯咖啡因為加咗奶，所以佢另外比一杯original 冇加奶嘅咖啡，份量只有兩啖，用嚟俾你試吓個味道，佢仲有張咭仔俾你Mark低飲完之後個評分，有咖啡嘅酸度、香味等等，我就唔識品咖啡，不過都貪得意Mark低杯咖啡嘅評分比自己睇🤣