今日就去土瓜灣，先去食啲嘢，原先想去嗰間餐廳，因為今日假期只有lunch，所以去咗隔離呢一間咖啡店，店入面只有十幾個位，門外面就有兩張枱，餐廳標明係虹吸式咖啡專門店，除咗有咖啡飲亦都有售買咖啡豆，我就叫咗一個三文魚炒飯，配一杯latte，杯咖啡雖然冇拉花，但係又真係幾好飲！炒飯都唔錯，只係份量少D 😄
門外面有一枱客帶咗兩隻貓🐈🐈，兩隻貓都好靚，但係唔記得咗叫做乜嘢品種，身上面好似豹紋咁嘅花紋，忍唔住要埋去同佢影吓相😆
食完野就去土瓜灣地鐵站，呢個站只有兩個入口，我由街市嗰邊入去，影吓相就去搭車，因為呢個站入面冇乜嘢睇，搭一個站去宋皇臺站，呢個站就熱鬧好多，因為呢度有D展覽品，部份係起呢個站嘅時候發現到嘅文物，雖然我都想睇，但係站內通告表示要排隊等候30分鐘，所以我冇排到，日後冇咁多人先再睇，只係在出邊影吓相就算，跟住行返去上次影相嗰個出口，由出閘到出口都要行幾分鐘，而家好多地鐵站都係咁樣嘅設計，都係要行一段路先至去到某D出口😄
沒有留言:
發佈留言