一樂小鍋

相約舊同事去食飯，佢離咗職已經差不多三年，只有舊年去醫院探Howard嘅時候見過面，足足有一年幾冇見，因為佢住喺馬鞍山，所以我遷就佢，過咗去石門食飯，今晚去食火鍋，呢間佢去開，在商場裏面的小店，店嘅面積好細，今晚只有四台客，不過已經滿咗一半，餐牌非常之簡單，火鍋套餐每位$238，然後有幾個選項，每個選項也有幾款食物俾你揀，我哋揀咗隻蟹、鮑魚、蝦、蜆等等，同埋D配料，海鮮嘅質素就不過不失啦，都算新鮮嘅，隻蟹都好靚，不過湯底就麻麻哋，不過志在聚下傾吓計，佢之前放租果間屋，已經冇租比人，同朋友搞嘅貓酒店，生意都唔係太理想，我諗因為疫情關係，都冇人去旅行，就唔使寄托隻貓去貓酒店，可能因為咁樣有影響吧！