好友 I 生日，揀咗去呢間韓式餐廳，近日疫情爆發第四波，每日都有幾十人確診，實在令人擔心，食埋呢餐，嚟緊都要盡量減少同朋友出來食飯！

前兩日在朗豪坊訂咗蛋糕，攞埋蛋糕至上去餐廳，呢度地方都唔細，裝修好新淨，應該開咗唔係好耐，睇吓個餐牌，呢度主要係食炸雞，當然都有D韓式嘅食品，我哋睇到都覺得好吸引，我哋先叫咗一款原味嘅炸雞，同埋一個煎蛋餅，跟住帶咗啤酒同埋西柚燒酒，個炸雞都幾好味啖啖肉，個醬就幾辣，蛋餅都好食，當然兩個餸係唔夠啦，我哋再叫多個蒜香炸雞，同埋紫菜飯團，炸雞下面有薯條，所以都食得好飽，食埋個蛋糕就啱啱好，店家用咗一個特別嘅碟，寫埋韓文嘅生日快樂，整得幾靚，成件事好開心！真係有D喜出望外！