尋日終於收到通知，檢測結果呈陰性，但係都唔能夠鬆一口氣，因為個結果只係話上次檢測之前冇事， 唔等於以後都冇事，加上疫情都未過，仍然要好小心，近期食飯都係集中去一、兩間食肆，今日就去試吓食其他嘢，去咗呢間拉麵店，入面一個客人都冇！店外面有一部自動販賣機，就好似日本嘅拉麵店咁，不過之前果間別天神都已經有，見到每款拉麵都只係$58 ，價錢就好平，拉麵嘅款式只有五款，全部都係湯麵，佢冇賣沾汁麵或者冷麵，我揀咗魚介湯麵，碗麵睇落幾大碗，配料好多，要撥開D配料先睇到有兩塊火炙日式叉燒，以價錢計真係抵食夾大碗，而且味道都唔錯！可以再去！👍🏻👍🏻👍🏻
沒有留言:
發佈留言