謙益雜貨店

平時去荃灣街市附近，都會見到有間雜貨店，長時間都有人排隊，基本上任何時候行過，佢都有人排緊隊，埋去睇吓D人排乜嘢，原來係買雞蛋，聽講呢度嘅雞蛋好新鮮，我諗咁多人買，貨如輪轉，都好難唔新鮮，不過佢嘅選擇都有幾款，除咗國內嘅湖北同埋北京雞蛋，亦都有歐洲嘅雞蛋，同埋泰國雞蛋，我見好多人都係買湖北蛋，佢有一排或者半排雞蛋賣，一排應該係30隻，半排就15隻，佢會俾埋紙嘅蛋架，仲有得回收添，自己帶返蛋架返嚟可以平五毫子，其實我見佢拆箱嘅過程，裏面都好多紙蛋架，而且店外面仲排左好多蛋架，可能係有D人買半排，已經用咗一個蛋架，所以唔係好夠，其實佢每做一單生意都好快綁好雞蛋比人，不過佢得一個人做，所以先至要排隊，不過都排得好快，而係不斷有人嚟排隊，差唔多每兩、三分鐘就有一個人嚟排隊，我都係排咗一陣就買到，我就揀咗歐洲蛋，因為諗住過幾日整古早味蛋糕，所以買定雞蛋！