飯局作客 - 石圍角

由迪欣湖出來，我哋在青衣站搭的士過去荃灣，去楊屋道街市買餸，因為都接近六點，有D海鮮都唔係咁新鮮，我哋買咗蝦、大蜆、象仔蚌、帶子、脆肉鯇魚腩、牛肉同埋一D配料蔬菜，上到好友屋企，見到一屋都係XO仔，因為好友最鍾意呢個公仔，全屋有好多隻，好多嘢都係呢個公仔嘅圖案，包括杯碟碗筷，好友的單位地方細細，只有兩兄妹住，亦都冇乜嘢裝修，不過都好企理，我哋坐低等食，因為好友包辦洗洗切切的工作，而且今日要處理嘅食物都唔係好多，所以好快都有得食，湯底只係用咗蕃茄，簡簡單單又清甜，雖然每樣食物都係買少少，但係我哋都食唔晒，而且亦都食到好飽，只好盡量清晒D海鮮，剩返少量食物比好友聽日食，食完飯，我地行落去地鐵站搭地鐵返屋企，其實都好近綠楊新邨，都好方便！