鮨樂

今日過去中環睇醫生，先去食D嘢，去咗呢間立食嘅壽司店，佢應該有兩層，不過只係開咗地面一層，因為唔係太多客，原則上只有四枱客，因為呢度只有八個企位，但係有三個師傅，下午時間只有一個餐牌，都係一D壽司set同埋丼，我哋叫咗兩個壽司set，有一款有軍艦，另外一款就只有八件壽司，兩個 set 嘅價錢係相差一倍，所以食材都有分別，明顯貴D個set嘅壽司係靚D，平果個set就有兩款三文魚，食壽司最怕見到有三文魚，雖然好多人鍾意食，但係正宗嘅日本壽司係唔會有三文魚，因為三文魚係有好多菌，日本人係唔建議生食，不過都食咗咁多年，只係盡量少食，呢度壽司嘅質素都算OK，價錢都算係合理，D店員都好生手，D師傅就好年輕，對住年輕嘅女性人客就會口花花，感覺唔係太專業，不過睇返質素同埋價錢都唔可以要求咁多！