離開咗星野度假村之後，下一站要去十勝千年之森，見到仲有兩個鐘頭時間先到預約時間，睇地圖見到附近有一個地方叫做日勝峠，所以我哋諗住喺呢度飛一轉，去到日勝峠展望台，只有幾架車泊咗喺度，停車場旁邊有條樓梯行上去，上到去，望出去個景都好開揚，今日天氣雖然係好晴朗，但係風勢好大，比起昨日在星野度假村更大風，因為風勢咁大我有D擔心，都考慮緊放唔放飛機，但係好友就好有信心咁攞架機出嚟飛，所以我都攞出嚟飛喇，不過我就唔敢飛咁遠，亦都唔敢飛咁高，因為肯定風勢比昨日更大，飛機放出嚟之後兜咗一個圈，個app又係不斷warning 話風勢太大，甚至有一剎那失去左聯繫，所以我都趕快將佢收返返嚟，甚至要自動返航，自動返航嘅時候影像見到架飛機唔係點郁到，等左一陣可能風勢減慢左佢先繼續行，差不多要降落嘅時候，畫面已經黑晒乜嘢都睇唔到，好彩佢仲識得自己降落！
我呢邊啱啱降落部機，就聽到好友話”死喇死喇！”，佢話個電池急降得返幾個 %，而家架飛機仲未返到嚟，可能要在附近降落，佢唯有盡可能將部機降落在草地上，確定部機降落左之後，我哋即刻去搵架飛機，揸咗幾分車去附近一個休息站，附近有好多草地，佢話見到個畫面係呢一度，於是我地用app入面嘅找飛機功能，搵到架飛機位置大約在附近一個草地，我地分頭去搵，好友根據app提供嘅位置，搵到個大約位置，但係去到嘅時候見唔到個飛機，個app都指示佢行去第二個位，如是者在𥚃面兜兜轉轉都找不到，佢搵緊嘅時候，我地喺車上面睇片，睇吓其他網上面嘅影片有冇講點樣搵飛機，基本上同我地做緊嘅嘢一樣，但係都係搵唔到，好友回來的時候垂頭喪氣，表示搵唔到架機，但係因為我地約咗千年之森，時間都差唔多到，所以我地都要去咗千年之森先，晏D再返來搵！
沒有留言:
發佈留言