九年前， Andy家中的燈和玩具寶貝，被送給了別人，胡迪和寶貝從此分開，後來蝴蝶亦被成長了的Andy送了給Bonnie， Bonnie亦都開始要上學，在學校的第一天，胡迪偷偷躲在書包𥚃，跟Bonnie一起到學校，因為她擔心Bonnie，Bonnie在胡迪的幫助下，自己製造了一件玩具，叫做小叉，還將小叉帶了回家，但小叉不清楚自己身份上的改變，一直以為自己是一件垃圾，引來不少笑話........!
其實前幾集嘅反斗奇兵，已經唔係好記得個劇情係講乜，而且我之前一直都係睇英文版，今次睇中文版係有D唔同！不過我覺得今集好好睇，因為好多搞笑嘅劇情，亦都可以話冇冷場，大人小朋友都啱睇！
今次和好友一行四人去睇，睇戲前我地去咗附近果間稻香食晚飯，其實稻香好多時都有D特價嘢食，所以價錢都幾相宜，因為驚睇完戲先至食飯會太肚餓，所以睇戲前先食飯，最近好友冇咁忙，頻頻約我睇戲，之前睇咗蜘蛛俠，今次睇完反斗奇兵，已經約定下次睇乜嘢戲，早前好友去咗名古屋，買咗支梅酒俾我做手信，因為佢覺得價錢好抵，原因係香港要賣$559，在日本只需要¥3000，大約$220，但係我話比佢聽，我上星期五，在新開的香港驚安殿堂，見到同一支酒只係賣$238，雖然只係貴$18 ，但係唔使老遠托返香港！不過都叫做平過香港啦！^_^
沒有留言:
發佈留言