Dazzling cafe

去完驚安殿堂，過咗去The One，知道呢間餐廳裝修左冇幾耐，所以過去睇吓裝修完變咗點，個裝修係以粉紅色為主，當然係好少女feel啦，午飯時間竟然仲有位！可能個個去咗驚安殿堂睇，而且果度有嘢食，呢D平時可能要等位嘅地方都變咗冇乜人，呢間餐廳在香港都開咗有五年喇！第一次嚟嘅時候都係尖沙咀呢一間分店，後來在銅鑼灣都有分店，都幾鍾意食佢哋嘅意粉，雖然厚多士都好食，但係太飽啦！呢度裝修完除咗靚咗亦都可以話係先進左，因為落單只係需要 scan QR code，食物質素同以前差唔多，冇乜大分別，不過店員話飲品冇晒玻璃杯要用膠杯，呢樣就有D搞笑喇，何況而家都未滿座，當然玻璃杯同膠杯都冇大分別，只係冇咁環保囉，叫咗個意粉食，跟餐加左一個鬆餅，揀咗抹茶鬆餅，食物質素依然保持到，食完真係好飽！