索爆高低戀 Long Short

Charlotte 是國務卿，亦打算競逐下屆總統選舉，一次宴會中，巧遇年青時的補習學發仔，因為欣賞發仔作為記者的文章和才華，所以聘用了他為她寫講稿，其實發仔當年已經暗戀她，現在可以去工作，很開心，漸漸地產生了感情.........！

兩個南轅北轍嘅人走埋一齊當然會發生唔少笑話，一個認真一個低俗，由外形到工作都係有好大嘅差別，套戲都幾搞笑，有D對白好抵死，其實最近都冇乜戲好睇，應該話冇乜戲有興趣睇，下個月就大把好戲睇！

申請回鄉證、Bigpack café

終於搵返舊果張回鄉証，可以申請換張新的喇，先上網做咗預約換証，揀咗網上填表及自助辦理，上網填番一D基本資料，預約左日期同時間，要帶齊四樣野去做自助辦理，1）身分證、2）舊回鄉証、3）相片檢測合格回執、4）合規格的紙質相片，但係乜嘢係回執呢？今日去到現場就知道啦，原來你係一定要在現場影證件相做第四樣”合規格的紙質相片”，原因係一套四張的證件相，印出來的時候，下面有一個條碼，呢個條碼就係回執，即係證明你張相合規格，我早左去到，先去影相，跟住有幾部自助機可以用，但係未夠鐘到我預約嘅時間，所以要等到夠鐘先可以辦理到，嘗試去辦理都係做唔到，一定要你係預約嘅時間先至可以做，坐一陣等到夠鐘就走埋去部自助機，先掃描舊回鄉證，然後掃描身份證，再掃描相片下面嘅條碼（即係回執），然後再要向住部機嘅鏡頭影一張相，我影相嘅時候望住下面D掣，所以影出嚟眼向下望，但係又冇得比你選擇再影過，唯有等一陣辦手續嘅時候睇下可唔可以影過，跟住部機就會比一張籌你，跟住就等叫Number，因為部自助機冇乜人用，所以只有一個窗口係辦理自助機嘅申請，個窗口有人辦理緊，等左一陣之後，果個人完成左就到我啦，埋到去窗口，就係交相同埋交費，職員見到我張相影得唔好，即刻可以影過另一張，因為窗口果度有個鏡頭可以再影相，成個過程包括等候時間只係用咗17分鐘就完成晒走得！真係好快，終於辦理好申請啦，要等十幾日之後先可以攞到張証！

辦理完申請之後，去附近個商場 The forest 搵嘢食，呢個商場嘅設計都幾靚，不過真係比較細咗D，鋪頭唔係好多，而且多數都係賣體育用品，可能因為商場身處波鞋街，入面都有幾間食店，揀咗呢間嘅原因係佢有室外位，其實未行入商場之前已經望到呢個露天座位，入到黎冇乜客人，室外位置有五張枱，三張都已經有人，我叫咗一個芝士雞胸肉配麥包，叫咗杯咖啡，不過杯咖啡好甜，响度坐左陣，因為今日天氣涼涼地，加上頭先涼左一陣冷氣，所以有D凍，雖然天色唔係好好，不過冇落雨，坐喺度都好舒服，呢度主要係食一D意粉，亦都有一D熱烤刨芝士嘅食物，不過佢嘅份量比較多，最少都要二人或者四人份量既食物先有刨芝士食，睇吓下次有冇機會同埋朋友一齊嚟試吓啦！

旺角海鮮菜館

有同事升職同埋調遷，成班出來食餐飯，因為之後未必有咁多機會約埋同一班人出來喇！去咗旺角呢間比較舊舊地嘅菜館，雖然佢係主打海鮮，不過我哋都係食小菜為主，只係叫咗好少量嘅海鮮，應該話只係叫咗一碟炒蜆，海鮮價錢都唔算平，不過如果宵夜時段9:30後就有折，相對來講就抵食好多，叫咗幾款小菜，當中個炸子雞都幾好食，仲要預先留起先有，呢間店面積唔大，我唔知仲有冇樓上，淨係樓下的話就只有幾張枱，都係一D比較傳統舊式嘅酒樓 feel，食物嘅質素都唔錯，如果搵日夜D宵夜都會再來 ！

Seijo Friutier

睇完戲去返堪富利士道，見到有間甜品店，就入去試吓，店入面只有一張二人枱，其餘都係吧枱位，大概有10個位左右，只有三個女店員，除咗堂食甜品，仲有買蛋糕同埋一D件裝磅蛋糕之類小甜點，餐牌主要係有啲芭菲，可以單點或者叫套餐，套餐就多兩件小甜點同埋一杯茶，因為黃昏時間我唔想飲茶所以單點一個芭菲，叫咗城城芭菲，即係佢地招牌芭菲，入有雜果、雪糕、忌廉、海棉蛋糕碎、檸檬果凍，因為坐吧枱嘅關係可以睇住成個製作過程，見到個 Friutier 好似好生手，最後整裝飾嘅橙同菠蘿，失左手要再切過D橙同菠蘿，到佢整好嘅時候，雪糕已經溶咗D ！味道都OK嘅，始終生果新鮮就好食，呢度話用 Mövenpick 雪糕，我唔知道係唔係，因為佢寫MovenPick ，我覺得雪糕好甜，見到佢入面有雲呢拿籽，應該真係用名牌雪糕吧！

阿拉丁 Aladdin

阿拉丁自少已經自己一個生活，只有一隻馬騮阿布和他相依為命，他是一個小偷，靠盜竊維生，一次在街上遇到一個女子，阿拉丁協助她解困，兩人一起逃避追捕，經歷咗一個冒險旅程，阿拉丁以為她是公主的侍女，他偷偷潛入宮中希望探她，卻被大臣賈方發現，賈方正在尋找一個人幫他到神秘的洞穴取神燈，阿拉丁後來發現女子其實是公主，為左要同公主匹配，他便照賈方的意思，進入洞穴取神燈..........!

近年迪士尼翻拍不少真人版卡通片，呢套期待左好耐，其實已經唔太記得卡通片個劇情，只係好喜歡佢入面嘅歌 A whole new world ，故事應該大致上同卡通一樣，開頭睇預告覺得搵Will Smith 做精靈好似有D怪，不過戲入面嘅佢又做得幾好，最近睇佢上電視宣傳，講嘢口吻都十足係入面嘅精靈，可能仲未抽離到角色！整體來講套戲都幾好睇，可能自己本身好鍾意睇迪士尼，只係嫌唱 A whole new world 果段戲拍得唔夠靚，同埋男主角就唔係咁靚仔，不過都似卡通入面嘅男主角個樣，女主角都OK，不過睇到咁上下都聽到有觀眾瞓著左仲扯鼻鼾！

日和料理 (日和茶舍)

出去尖沙咀睇戲，因為有張贈券，睇戲前先來食D嘢，知道堪富利士道開咗間小店，去到見到原來係一座新起嘅單幢大廈，係一間服務式公寓，有三層係食店，如果唔係特登嚟搵佢，真係睇唔到呢度有食肆，因為個門口只係一般住宅入口，要望清楚先見到有個水牌，因為呢座樓係新嘅，所以呢間食肆都好新淨，不過搭電梯嘅時候，見到店名唔係宜家呢個，唔知係轉左手定係改左名，上到去一樓，店裏面只有兩、三個客，大把位可以任你坐，揀咗個靠窗卡位，可以望到街景，呢度嘅裝修都幾簡潔，餐牌亦都簡單，主要係食餃子/麵，同埋叉燒飯，仲有一D小食之類嘅嘢，不過竟然係冇飲品！只有湯或免費嘅玄米茶，叫咗一個失傳黑毛豚腩叉燒流心蛋飯，跟飯有一碗湯，係蟲草花粟米紅蘿蔔豬骨湯，個叉燒半肥瘦，味道都幾好，流心蛋就唔夠流心啦，應該話係半熟蛋，個湯就好好味！另外仲有餃子，叫咗個雙拼，七味辣子健康走地雞肉餃子，同埋白菜馬蹄黑豚肉餃子，可以選擇蒸餃或者炸餃，再搞就要加多$10 ，蒸餃就跟埋一碗湯，都係蟲草花粟米紅蘿蔔豬骨湯，不過比頭先果個湯大碗D，店員話本身冇做雙拼，不過可能冇乜客就冇所謂啦！另外仲叫咗麥芽糖走地雞翼，雞翼甜甜地味道都唔錯，整體成間鋪都好家庭 feel，店員很友善，地方很清潔，食物都係好手作、自家製嘅味道，以後去尖沙咀又多個飯堂喇！

翔壽司

同好友離開The One 行咗去厚福街，睇吓有咩食，去咗H8 ，超多人！一來係星期五，二來係晚飯時間，好友想食日本野，呢度有兩間都爆得好緊要，超多人等位！我地行返出去厚福街，見到冇咩食之際，突然間望到有間新開嘅立食壽司店，因為新開張做緊優惠六折，仲要有位，所以即刻入去試吓，因為我地之前在旺角有一間立食嘅壽司，我哋都好多時會去，睇下呢一間質素如何，不過呢度冷氣唔係好夠，可能因為我地企近近門口，個成日又開又關，所以冷氣走晒，我哋唔係叫咗好多嘢食，因為我哋已經食咗牛扒，其實好飽，只係好友嘅男友叫咗一個丼食，再加D壽司，我地就只係食一、兩件壽司，質素同我地食開果間立食差不多，價錢就平D因為有折，不過佢可能新開，見到D單有D混亂，入邊果幾個師傅忙到團團轉，但係有幾個客都話落錯單，包括我地個丼佢都做錯左，我想食嘅赤背刺身佢又冇，只係剩返一件赤背壽司，都俾我哋食埋，如果繼續有呢個優惠都好值得再嚟，正價就要考慮考慮，因為我哋唔係食好多嘢，如果我地好肚餓食得多嘢嘅話，又係正價就會好貴！

Odelice

最近好友話同男友鬧分手，所以今日約咗佢出來傾計，不過佢似乎又同男友冇事，因為佢話男友晏D join 我哋，我哋去咗The One行一陣街，然後去搵地方坐低食嘢，去咗呢間餐廳試吓，我哋叫咗個牛扒 share 食，點知個份量都幾大！加埋D 配菜食到好飽，而且個牛扒落多黑椒同埋鹽，所以偏鹹咗D，我地食到咁上下，佢男友嚟緊 join我地，本來諗住佢嚟到嘅時候再轉一張大D嘅枱，點知隔離果台客叫咗一客青口，侍應捧過來嘅時候，我哋聞到青口好臭，好似變壞左咁，但係隔離枱果兩個人食到津津有味！我哋真係頂唔順果陣臭味所以即刻走！唯有 join 埋佢男友一齊再去第二度食過啦！