Seijo Friutier

睇完戲去返堪富利士道，見到有間甜品店，就入去試吓，店入面只有一張二人枱，其餘都係吧枱位，大概有10個位左右，只有三個女店員，除咗堂食甜品，仲有買蛋糕同埋一D件裝磅蛋糕之類小甜點，餐牌主要係有啲芭菲，可以單點或者叫套餐，套餐就多兩件小甜點同埋一杯茶，因為黃昏時間我唔想飲茶所以單點一個芭菲，叫咗城城芭菲，即係佢地招牌芭菲，入有雜果、雪糕、忌廉、海棉蛋糕碎、檸檬果凍，因為坐吧枱嘅關係可以睇住成個製作過程，見到個 Friutier 好似好生手，最後整裝飾嘅橙同菠蘿，失左手要再切過D橙同菠蘿，到佢整好嘅時候，雪糕已經溶咗D ！味道都OK嘅，始終生果新鮮就好食，呢度話用 Mövenpick 雪糕，我唔知道係唔係，因為佢寫MovenPick ，我覺得雪糕好甜，見到佢入面有雲呢拿籽，應該真係用名牌雪糕吧！