阿拉丁自少已經自己一個生活，只有一隻馬騮阿布和他相依為命，他是一個小偷，靠盜竊維生，一次在街上遇到一個女子，阿拉丁協助她解困，兩人一起逃避追捕，經歷咗一個冒險旅程，阿拉丁以為她是公主的侍女，他偷偷潛入宮中希望探她，卻被大臣賈方發現，賈方正在尋找一個人幫他到神秘的洞穴取神燈，阿拉丁後來發現女子其實是公主，為左要同公主匹配，他便照賈方的意思，進入洞穴取神燈..........!
近年迪士尼翻拍不少真人版卡通片，呢套期待左好耐，其實已經唔太記得卡通片個劇情，只係好喜歡佢入面嘅歌 A whole new world ，故事應該大致上同卡通一樣，開頭睇預告覺得搵Will Smith 做精靈好似有D怪，不過戲入面嘅佢又做得幾好，最近睇佢上電視宣傳，講嘢口吻都十足係入面嘅精靈，可能仲未抽離到角色！整體來講套戲都幾好睇，可能自己本身好鍾意睇迪士尼，只係嫌唱 A whole new world 果段戲拍得唔夠靚，同埋男主角就唔係咁靚仔，不過都似卡通入面嘅男主角個樣，女主角都OK，不過睇到咁上下都聽到有觀眾瞓著左仲扯鼻鼾！
沒有留言:
發佈留言