Odelice

最近好友話同男友鬧分手，所以今日約咗佢出來傾計，不過佢似乎又同男友冇事，因為佢話男友晏D join 我哋，我哋去咗The One行一陣街，然後去搵地方坐低食嘢，去咗呢間餐廳試吓，我哋叫咗個牛扒 share 食，點知個份量都幾大！加埋D 配菜食到好飽，而且個牛扒落多黑椒同埋鹽，所以偏鹹咗D，我地食到咁上下，佢男友嚟緊 join我地，本來諗住佢嚟到嘅時候再轉一張大D嘅枱，點知隔離果台客叫咗一客青口，侍應捧過來嘅時候，我哋聞到青口好臭，好似變壞左咁，但係隔離枱果兩個人食到津津有味！我哋真係頂唔順果陣臭味所以即刻走！唯有 join 埋佢男友一齊再去第二度食過啦！