相約好友食飯，為了補祝我的生日，我就恭敬不如從命！
去左油麻地食小菜，這家小店位置頗隔涉，因為好友經常來這裡，覺得質素不錯，所以來這裡食！店子地方細，大約有八、九張枱，其中三張係卡位，我地兩個人，所以坐卡位，見到得兩枱客，可以慢慢食！我地叫左海鮮孖寶，有白灼基圍蝦、蒜蓉蒸扇貝，另外叫左個肉排同炒韮菜花，小菜都唔錯，海鮮好新鮮，不過份量少，唔太抵食，我地坐左好耐，傾左好耐，好友下星期去大阪揸車，係孖寶賽車，好羨慕！佢話冇車牌都可以坐，我就話約定佢下次一齊去東京佢揸車我坐！
食完飯行返去地鐵站，經過廟街，條街出奇地靜，見到源記甜品，就去食返碗渣咋，好多年冇食過喇！去到果陣冇位，我地等一等，好快有位，食果陣一路傾計，一路見越來越多人走，最後剩返幾個，咁就可以再坐一會！
沒有留言:
發佈留言