話咁快六日假期去到最後一日啦！早上十點幾 check out，今晚六點機，訂左1:45火車去機場，得返兩個幾鐘，在附近行下，先去高島屋食D野，去左一間叫做 ねぎし的店，這店是食牛舌的，之前住華盛頓酒店，附近有一間分店，食過覺得唔錯，所以再食，印象中呢間應該係新開冇幾耐，因為上次來好似冇呢間，叫左個三款牛舌set，有薄同厚的牛舌，最好食都係厚切，其實應該食淨厚切牛舌餐！
行左一陣，返酒店，酒店旁邊有間 VR 館，玩四個遊戲要 ¥4400，即係約三百元，都有D興趣，不過自己一個唔去喇！不過其實玩果陣其實都係自己玩！下次先試吧！攞返行李就去搭火車，個行李用到有D爛，要慢慢推，去到機場，先去磅下行李，放埋件羽絨入喼，足足30.5kg，從未試過咁重！好在一路都唔使行樓梯，先寄倉，然後在機場行下，去呢度個 premium lounge 坐下，呢個 premium lounge 冇野食，只有飲品！不過一陣有飛機餐，依家可以唔食，坐一陣就過關，過左關之後，最多人果間 Akihabara ，有薯條三兄弟同東京 banana，不過超多人，所以冇買，慳返！
飛機起飛冇耐，機師話富士山在右邊，可惜我坐左邊睇唔到，不過，我諗夜晚都睇唔清楚，因為山上冇燈光，可能望到小小白色山頂吧！下次睇下有冇機會坐早D機望到啦！
沒有留言:
發佈留言