時間過得好快，去到行程的第五日喇！明天就要走啦，今日先至正常返，冇咁多人，但係聽日就要走啦！
瞓醒覺落去搵嘢食，其實日本要食早餐嘅選擇真係唔多，通常一早開嘅只有拉麵、烏冬或者蕎麥麵之類，好多咖啡室都未開，唔想朝朝都食壽司，今日就去一蘭食拉麵啦！咁早就冇乜人，都有好多位，叫咗最多人食嘅一款，今次樣樣野都揀普通，味道、蔥都揀普通，只係麵條揀咗要硬身D，食完就出發喇！
今日去川越呢個地方，係朋友介紹我去的，先由新宿撘 JR 埼京線去大宮，最近一班車係各駅停，10:33 由新宿站開出，因為之後果班車都係各駅停車，所以等唔到快速車，行車用左42分鐘，比快速車用多12分鐘！去到大宮站，要轉川越線，落車上一層揾川越線，見指示係要落返去，原來行過對面22號月台巳經係川越線，由大宮去川越，只需19分鐘，就去到川越站，出到火車站，要搵一個地標叫做小江戶川越同埋鐘樓，睇地圖大約知道邊個方向，出咗火車站行左手邊，有一段好似天橋嘅路，行到過去望落下低，見到有一個商店街嘅入口，就係由呢度開始行！
呢條商店街好長，亦都比較靜，有D商店係賣和服，亦都有一D食肆，但係唔係太旺，只有一間買牛扒的食店排晒長龍，沿着商店街行到中段，有幾座舊式建築，建築是舊式但係好新淨，呢度係旅遊中心，有一D關於川越嘅資訊，亦有小商店，見到小商店有賣糖芋頭，所以買咗一Pack食，買完可以在店外的枱櫈坐低食，亦都有一個小的神社，在神社睇咗一陣就走喇！沿路行到盡頭，又有幾座舊式建築，主要係幾間食店同埋一個旅遊中心，在旅遊中心攞咗地圖，就可以繼續搵地標鐘樓！見到有一間鰻魚店都想食，不過唔係太肚餓，行多一陣再決定！行多一陣就見到鐘樓，今日唔太多人，呢邊亦都唔係太多野行，原本想去附近一個神社，但係見個距離都頗遠，預計來回都要步行超過半小時，所以都冇去到！又沿路行返返轉頭，最後都冇食到鰻魚飯，原本想去排長龍的牛扒店，有忘記咗，所以最後乜都冇食就走！
回程的坐東武東上線直接去池袋，由東口出去係西武，呢度都有間 Ainz Tulpe，這間藥妝店每間都有三層，梗有一D妝物睇啱，上去仲有 Loft，唔少家品，樣樣都好吸引！附近亦都有唔少商場同埋商店，真係有排行，不過冇乜目標買嘢，純粹睇下日本有D乜野潮物，在西武的地庫買了水果，又在 Parco 吃了晚餐，只係隨便揀咗一間西餐廳，叫做 ground asshu H ，食咗個牛扒餐，今餐有個甜品係pancake ，睇相覺得好吸引，點知個pancake只有¼個！少得可憐！食完晚飯又行咗一陣，就返番去新宿，在新宿又行咗一陣， 又去三國一食烏冬，今次冇叫錯喇！係 sukiyaki 烏冬，食完再返酒店食埋D生果就瞓覺！
沒有留言:
發佈留言